Margunn Ueland heiter eg. Eg har vore journalist i Stavanger Aftenblad i 38 år og hageentusiast i 30 år.
Inspirasjon og nyttige tips
Å dyrka fram grønsaker, bær, frukt og blomar er det gildaste eg veit. Utruleg kor mykje mat det går an å dyrka på liten plass, og det mest året rundt. Og så godt det smakar! Denne gleda har eg lyst å dela. Eg skal gje dykk mine beste tips og visa koss eg gjer det.
Matoppskrifter
Kva brukar du all grønkålen til? Kva gjer du med alle rødbetene? Kva rettar kan du laga av graskar? spør folk. Her får du gode råd og oppskriftene mine på supper, gryterettar, lasagne, bakverk, juice, smoothiar, fermentert kål osv.
Helseråd
Samanhengen mellom mat og helse har alltid interessert meg, og tusenvis av timar har gått med til å lesa bøker og artiklar om temaet. Frå den 19. mars av, skal eg studera eitt år ved Institute for Integrative Nutrition, verdas største ernæringsskole og sertifiseringsprogram (nettstudium). Om eitt år blir eg ein sertifisert helsecoach! Så gode helsetips vil du også her på bloggen!
Kjøkkenhage på heiltid
Margunns kjøkkenhage heitte ein videoserie på 13 episodar som eg laga saman med journalist Hilde Moi og fotograf Rune Vandvik i 2015. Den ligg ennå å sjå på aftenbladet.no
Sidan den gong har eg utvida kjøkkenhagen kraftig og fått nytt drivhus, pluss anlagt nabolagshage (Leikeplasshagen). (Sjå reportasje på NRK. Og oppslag i Aftenbladet, Aftenposten, Bergens Tidende og Fevennen.)
Over 4000 fylgjer meg nå Instagram som @margunnu. Der legg eg ut (minst) 1 foto mest dagleg året rundt. Desse bileta har du fram til nå også kunna sjå på Margunns hageblogg på aftenbladet.no.
Men det var jo ingen skikkeleg blogg! Det skal dette vera, fleire fotos og lengre tekst. Fem blogginnlegg i veka er målet.
Videoar skal det også bli! Jan Inge Haga, profesjonell fotograf, skal filma og ta fleire av bileta på bloggen.
Følg meg gjerne eller bli venn med meg på Facebook. (Margunn Ueland).
Rådgjeving, kurs, foredrag
I vår går eg av som journalist i Aftenbladet og startar «Margunns kjøkkenhage» slik at eg også kan tilby kurs, foredrag og rådgjeving som kan tilpassast det du/dykk treng.
Samarbeider gjerne
Driv du innan bransjar som har med hage-dyrking- mat-helse-media&forlag å gjera, og ser at me kan ha nytte av kvarandre sitt samarbeid (sponsing, annonser, kommunikasjon/informasjon/
Tlf: 99 26 11 58
