Stikkelsbærgrøt
God, gamaldags dessert som fortener å koma på moten igjen: Dessertgrøt av bær. Denne er laga av små, røde stikkelsbær. Du kan fint bruka grøne om du har det. Fort gjort og lett å laga er det også. Best kald, så set av tid til avkjøling før servering.
Fort går det også å plukka stikkelsbær, dei er jo så store samanlikna med rips og solbær. Men skal seia piggane er skarpe! Heiter ikkje stikkelsbær utan grunn!
Ingrediensar:
- 3/4 liter stikkelsbær
- 5 dl vatn
- 1,5 dl farin
- 3 ss potetmjøl og 3-4 ss vatn
Framgangsmåte:
- Vask stikkelsbæra og rensk dei.
- Kok opp vatn og sukker.
- Ha i bæra og kok på svak varme til dei blir møre.
- Rør ut potetmjøl i litt vatn og hell forsiktig i (tynn stråle) mens du rører.
- La grøten koka opp.
- Hell grøten over i ei skål. Vil du unngå “snerk”, strø over litt sukker.
- Avkjøl.
Server med fløyte eller mjølk eller ei blanding av begge deler.
I tillegg til stikkelsbær, har eg også solbær, rips og amerikanske blåbær både i min eigen hage og i Leikeplasshagen. I Leikeplasshagen har me også bringebær, hos meg bjørnebær. Dei røde stikkelsbæra denne grøten er laga av, er sorten “Hinnomaki rød” som skal vera resistent mot mjøldogg.
Bærbuskar likar soppsporer i jorda, derfor blanda eg inn halvkompostert lauv då eg planta. Eg har alltid ståande lauv i nokre sekker, slik at eg har året rundt. Brukar det nemleg også i kompostbingen.
PRØV OGSÅ: