Margunns brød

Betre og betre, enklare og enklare. Så mange gonger har eg nå gjort endringar i oppskrifta “Bodils gode, lettvinte brød”, at eg dristar meg til å kalla det mitt brød. Bakar dette kvar veke, er det einaste brødet me vil ha. Bra då at det er fort gjort å laga, utan elting og heving.

Ingrediensar:

• 7 dl bakemix spelt frå Holli mølle
• 4 dl bakemix rug frå Holli mølle (økologisk)
• 1 dl emmer (gamalt kornslag) frå Holli mølle (Har du ikkje emmer, bruk 5 dl bakemix rug, eller 1 dl havremjøl).
• 2,5 dl store havregryn
• 4 dl frø: Eg pleier å ta 2 dl solsikkerfrø, 1 dl graskarkjerner og 1 dl linfrø, men bruk det du har.
• 1 ts fint havsalt
• 5 ts natron
• 1 liter kulturmjølk (Tine=samvirke) + litt vatn som du skyler ut mjølkerestane frå kartongen med.
• 1 ss lønnesirup
• 2 ss olivenolje

Eg brukar både økologisk mjøl og økologiske frø.

Framgangsmåte:

1. Bland det tørre.
2. Ha i det våte og rør saman. Blir ein tjukk deig, om lag på konistens med havregraut.
3. Ha deigen i smurde brødformer.
4. Steik på nederste rille med varmluft i 1 time og 40 minutt på 175 grader.
5. Ta ut, avkjøl litt på rist.

PS: Viss det f.eks er litt for lite spelt att i posen, har eg i desto meir emmer eller rug eller havremjøl.

Blir to brød. Går fint å frysa.

Veldig godt med meierismør (ikkje margarin!) og rabarbra-jordbær-syltetøy på!

EG BLIR GLAD OM DU VIL FYLGJA BLOGGEN MIN. SLIK GJER DU DET:

1. Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
2. Trykk på FØLG MEG-knappen.
3. Gå inn på e-posten din. Der får du nå ein e-post (truleg står det Confirm subscription eller noko slikt) som du må gå inn på for å bekrefta at du vil vera  fylgjar. Trykk på STADFEST.

Som fylgjar får du ein e-post kvar gong eg har publisert eit nytt blogginnlegg