Rabarbrasyltetøy med jordbær

Rabarbrasyltetøy med jordbær

Eg lova dykk fleire oppskrifter med rabarbra. Dette syltetøyet blei knallgodt. Fort gjort å laga var det også.  Blei to store glas på om lag 1 liter kvar pluss eit lite 2 dl glas.

Det er altså ein god del sukker i det, men eg laga fyrst ein mindre porsjon med sukrin i staden for sukker og bittelitt vatn. Og utan jordbær. På langt nær så godt.

Men dette syltetøyet kjem eg til å laga igjen:

  • 4,5 kilo rabarbra
  • 3 posar frosne jordbær  (kvar pose er på 500 gram)
  • 1,2 kilo farin

Framgangsmåte:

  1. Vask rabarbraen og skjer stilkane i så små bitar du gidd.
  2. Tin jordbæra lett, såpass at du kan skjera store bær i bitar.
  3. Ha i ei stor gryte saman med sukkeret.
  4. Kok varsamt opp og la det småkoka i rundt 15-20 minuttar til rabarbraen er mør.
  5. Skum av etter kvart som det dannar seg skum på toppen.
  6. I ei anna stor gryte kokar du opp vatn som du har reine glas oppi. Ta dei ut etter nokre minutt med ei pølseklype og sett dei på eit reint handklede.
  7. Aus det ferdige varme syltetøyet over i glasa. Set ei trakt med vid “munn” oppi glasa, så unngår du søl.
  8. Ha på lokk. Pass på at du ikkje brenn deg, bruk gryteklutar.

Ferdig!

Dette syltetøyet er så godt at du kjem til å eta det opp fort. Derfor hadde eg ikkje i konserveringsmiddel.

Har du lyst på ein god dessert, prøv denne:

RABARBRAKOMPOTT MED EGGEKREM

 



Legg att eit svar

Epostadressa di blir ikkje synleg. Påkravde felt er merka *


%d bloggers like this: