Velkomen på foredrag i august
I august held eg kjøkkenhageforedrag den 10. august under Sankefestivalen i Hjelmeland, den 24. august på Bygdedagar i Heskestadbygda. “Mirakelmat” er temaet for foredrag i Stavanger den 29. august.
Dei to fyrste foredraga handlar mest om koss du kan dyrka mykje mat på liten plass, i det tredje brukar eg mest tid på å fortelja om “mirakelstoffa” i grønsaker, urter, bær og frukt og gje tips om koss du kan få i deg mest mogeleg på gode og lettvinte måtar.
SANKEFESTIVALEN i Hjelmelandsvågen foregår den 10.-11. august. På laurdagen kan du vera med på fisking, plantefaring, sanking av ville matvekstar, pilkurs, soppkurs og foredrag om koss du lagar god mat av kortreiste matvarer. På torget finn du nyttevekster, tang og tare, heimelaga produkt, snop, honning, frukt, friluftsutstyr med meir. Her blir det også kjekke aktivitetar for ungane. Ta ein titt på programmet her på Facebooksida til Sankefestivalen. Arrangør er Hjelmeland turlag og Stavanger Turistforening.
Foredraget mitt er lørdag den 10. august klokka12:30-13:30 i kommunestyresalen, rett ved Sanketorget. Gratis. Les meir her på nettsida til festivalen
Her er lenke til arrangementet på Facebook.
Eg vil også bli å finna på stand på Sanketorget. Her kan du få kjøpa signert eksemplar av boka “Margunns kjøkkenhage – Fersk mat året rundt”.
Sundag den 11. august står mellom anna såpekoking og fiskekonkurranse på programmet, du kan læra meir om ville vekster og delta på tur frå Hagalid til Heiakodl.
BYGDEDAGER I HESKESTADBYGDA 23.-25 august:
Bygdedagane startar med konsert i Heskestad kyrkje fredag kveld de 23. august med “Nashville sound” og lokale vokalister.
Laurdag den 24. august er det stor marknadsdag på Ualand (heimbygda mi!!!) med mange boder, veteranbilar, open krambu, kafé, ansiktsmaling, utdeling av bygdepris og altså foredrag med Margunns kjøkkenhage klokka 13 på Samfunnshuset.
Eg tek med nokre eksemplar av boka mi “Margunns kjøkkenhage -Fersk mat året rundt” som du kan få kjøpt signert eksemplar av.
Etter gudsteneste og kyrkjekaffe på sundag den 25. august, er Eikeland gard open. Kirsten og Bjørn Risa byr på varm grill, ta med grillmat. Det blir trekning i Bygdedagslaotteriet. Tur til Kolestrånd blir arrangert for dei som vil det.
Her er lenke til Facebooksida til Bygdedagane.
MIRAKELMAT MED MARGUNNS KJØKKENHAGE: Foredrag i Stavanger Aftenblad sitt bygg i Stavanger sentrum torsdag den 29. august. Arrangør: Stavanger Aftenblad som omtalar arrangementet slik:
“Nå bugner det av frukt og grønnsaker. Det gjelder å få i oss mest mulig. Så godt! Og så sunt. Sunnere enn mange vet. For grønnsaker, bær, frukt og urter inneholder noen “mirakelstoffer” som ikke finnes i kjøtt, fisk, egg og melk osv. – men kun i planteriket. Stoff viktige for god helse, sterkt immunforsvar, frisk mage/tarm, ja for godt humør!
Helsecoach og kjøkkenhageentusiast Margunn Ueland brenner for dette. Denne kvelden vil hun dele sitt engasjement og sin kunnskap med deg. Du vil også få gode tips om retter du raskt kan lage. Foredraget blir illustrert med bilder fra kjøkkenhagen hennes. Høsten er faktisk en god tid å anlegge kjøkkenhage på. Derfor vil du også få noen råd om hva du kan gjøre nå.
Ytterligere inspirasjon og dyrkingstips finner du i boka “‘Margunns kjøkkenhage – Fersk mat året rundt” som hun signerer etter foredraget. Har du ikke kjøpt boka allerede, kan den kjøpes denne kvelden.
EG BLIR GLAD OM DU VIL FYLGJA BLOGGEN MIN. SLIK GJER DU DET:
- Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
- Trykk på FØLG MEG-knappen.
- Gå inn på e-posten din. Der får du nå ein e-post med “Confirm your subscription”. Gå inn på den og trykk på CONFIRM FOLLOW /STADFEST.
Som fylgjar får du ein e-post kvar gong eg har publisert eit nytt blogginnlegg.