Kjøkkenhagesalat med jordbær og tomat

Salat med masse godt i er deileg på solskinsdagar. Her er endå ein salat som blei til etter ein runde i kjøkkenhage og drivhus.

Dette brukte eg:

• 2 nevar rødleg salat
• 4 unge grønkålblad
• 1 neve syreblad (“Red Sorrel”)
• 1 liten gul squash
• 3-4 nevar sukkererter (med belg)
• 15 små tomatar
• 15 små jordbær
• 1 dusk fennikel
• 1 neve bladpersille
• 1 liten rødløk med grøn stilk
• 1 avocado
• 1 båt lime (eller sitron viss du ikkje har lime)
• 1 neve graskarkjerner
• 1 ringblom (eller andre blomar som kan etast)

Slik gjer du:

1. Vask og spinn salat, syreblad og grønkålblad.
2. Riv salat i store bitar med hendene.
3. Riv grønkålblad i mindre bitar, masser dei (ja, masser dei) med litt olivenolje og legg merke til kor mjuke dei blir!
4. Hakk løk. persille og fennikeldusk.
5. Skjer sukkererter i bitar og squash i skiver.
6. Del tomatene i to.
7. Del avocadoen i to, ta ut steinen og ta ut fruktkjøtet i passelege bitar med ei skei. Skvis over limejuice.
8. Bland blad og urter.
9. Ha oppi resten, spar gjerne jordbær, tomat og ringblom til slutt (ha på toppen av salaten).

Dressing? Blei sjølvsagt den dressingen eg har dilla på for tida:

Dressing:

• 1 lita ts raspa ingefærrot
• Juice frå 1/2 lime
• 1 ts lønnesirup
• 2 ss korianderolje (eg har laga sjølv, du kan bruka olivenolje, gjerne også litt hakka koriander).

Bland alt, hell over salaten.

HER ER OPPSKRIFT PÅ FLEIRE SOMMARSALATAR:

SPRØ SUKKERERTSALAT MED ASIATISK VRI

KNASKESALAT MED KNUTEKÅL, EPLE, URTER OG VALNØTTER

LES OGSÅ:

DESSE TOMATANE MOGNA FYRST

EG BLIR GLAD OM DU VIL FYLGJA BLOGGEN MIN. SLIK GJER DU DET:

1. Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
2. Trykk på FØLG MEG-knappen.
3. Gå inn på e-posten din. Der får du nå ein e-post med “Confirm your subscription”. Gå inn på den og  trykk på CONFIRM FOLLOW /STADFEST.

Som fylgjar får du ein e-post kvar gong eg har publisert eit nytt blogginnlegg.