Potet: Null bløming, men bra avling

Potet: Null bløming, men bra avling

“Kva tid kan me ta opp potetene?” spør folk meg. “Når dei er ferdige med å bløma, har eg alltid svara. Det gjeld visst ikkje i år. For tidlegpotet “Arielle” har ennå ikkje starta å bløma. Likevel tok eg nå opp bøtte etter bøtte med store, fine poteter.

Så den regelen gjeld altså ikkje kvart år. Det beste er å ta opp eit par planter å sjekka. He, he, eg gjorde jo det på laurdag (ein plante) og var lite imponert. Heldigvis er eg så nysjerrig at eg sjekka i den andre delen av bedet i dag – og der var potetene store, ja!

Store nok desse, ja!

Dermed tok eg opp den eine planten etter den andre til bedet blei tomt.

Sjå her: Slik såg bedet ut før opptak:

Det einaste som blomstra i potetbedet var ringblom og agurkurt.

Bedet er om lag sju meter langt og to meter breitt. Eg tok opp seks bøtter  poteter, her ser du fire av dei:

Burde rekkja til ein del middagar, dette ja!

Ikke så verst! Kor mykje sette eg? 3 kilo. Det gjorde eg den 6. april.

Eg venta ikkje til det hadde kome groer på potetene før eg sette dei. Legg merke til dei grøne blada med rødlege stilkar. Det er bladbete/mangold som overlevde vinteren. Nå er den planten godt over to meter høg, sjå biletet i toppen av dette blogginnlegget.

LES OGSÅ:

OVERRASKINGS-POTETETENE

OM Å SETJA POTETER MENS DET ER FROST

EG BLIR GLAD OM DU VIL FYLGJA BLOGGEN MIN. SLIK GJER DU DET:

  1. Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
  2. Trykk på FØLG MEG-knappen.
  3. Gå inn på e-posten din. Der får du nå ein e-post med “Confirm your subscription”. Gå inn på den og  trykk på CONFIRM FOLLOW /STADFEST.

Som fylgjar får du ein e-post kvar gong eg har publisert eit nytt blogginnlegg.



Legg att eit svar

Epostadressa di blir ikkje synleg. Påkravde felt er merka *


%d bloggers like this: