For ein herleg møkkadag!
«At det går an å bli så lukkeleg av nokre sekker med møkk», sa mannen min. Eg var heilt overstadig. Me hadde henta sekkevis med gammal hestemøkk frå ei gild dame som har både hestar og høner. Kanonbra til å spreia ut som eit topplag i beda.
Møkk og møkk, det er vel så mykje flis som ho har grave ut or stallen og lagt i ein stor dunge. Eg har brukt dette kvar vår i årevis – men har aldri vore så tidleg ute som i år. Men så lenge jorda er bar, er det ingen grunn til å venta. Bare bra at flismøkka blir broten ned litt før utplanting.
I haust dekka eg beda med kompost og lauv. Nå er mesteparten av det omdanna til mold av alle makkane, bakteriane og soppsporene i jorda. På tide å forsyna livet i jorda med meir mat- altså flismøkk. Litt hønseskit er der oppi også, for hønene til Ellen likar også å sparka og grava i hestemøkkdungen.
Kvifor eg blir så glad? Fordi eg veit at dette blir til god, levande jord – som jo er det viktigaste for at plantene skal trivast. Men også fordi eg elskar å vera ute i frisk luft og gjera fysisk arbeid og kjenna vårsola i fjeset.
Eg er sikker på det skjer nokre biokjemiske prosessar også: Alle mikrobene i kroppen min blir sikkert overlukkelege over å koma i kontakt med trillionar av bakteriar i jord, kompost og hestemøkk!
Eg kan halda på i timesvis utan å bli trøytt. Eg blir bare meir og meir opplagt.
LES OGSÅ: LAG DI EIGA SUPERJORD!
EG BLIR GLAD OM DU VIL FYLGJA BLOGGEN MIN. SLIK GJER DU DET:
- Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
- Trykk på FØLG MEG-knappen.
- Gå inn på e-posten din. Der får du nå ein e-post (truleg står det Confirm subscription eller noko slikt) som du må gå inn på for å bekrefta at du vil vera fylgjar. Trykk på STADFEST.
Som fylgjar får du ein e-post kvar gong eg har publisert eit nytt blogginnlegg.
Hei! Synes det er knallkjekt å følge deg, og eg lærer så mye! Lurer på hvor lang tid det tar før hestemøkken er omdannet til mold? Og sår/planter du direkte i dette topplaget når jorda er varm nok?
Hei, tusen takk for hyggeleg kommentar! Så bra! Kor fort hestemøkka/flisa blir omdanna til mold, kjem an på kor tjukt lag du legg og på kor mykje liv (meitemarkar og andre synlege og usynlege kryp) du har i jorda. Og litt på temperaturen. Blir nok omdanna til starten av mars då eg plantar ut. Sår ikkje ikkje i dette, men plantar ut småplantar eg har sådd sjølv. Sår i starten av mars (i drivhus) og plantar ut når faren for frost er over, som regel i fyrste veka i mai.