Valentine-smoothie

Mannen min påstår eg ikkje er romantisk. For å motbevisa det, laga eg rosa smoothie til han då eg kom heim frå trening.  Er trass alt Valentinsdagen. Blir ingen romantisk middag i kveld – då skal eg halda kjøkkenhageforedrag for Vindmøllebakken bofellesskap i Stavanger og han skal på kulturdebatt.

Men på fredag – mannen min serverer meg god middag kvar fredag kveld.

Smoothien, ja. Eg elskar bringebær,  så det er hovedingrediensen.  Det mannen min ikkje veit, er at eg har lurt i han nokre gode tarmbakteriar ved å ha min heimelaga kefir oppi. Han seier han ikkje likar kefir, sjølv om han aldri har prøvd… Men smoothien gjekk ned.

Vær så god, her er oppskrifta.

• 1 appelsin
• 3 dl bringebær
• 1/2 banan
• 1 neve cashewnøtter
• 2 dl kefir

Ha i ein god blendar til alt er godt “knust” og blanda til ein kremete rosa drikk. Frisk og god!