Derfor er vitamin D så viktig

Derfor er vitamin D så viktig

Stadig forkjøla? Matt og nedfor? Det kan vera mangel på vitamin D. Eit uhyre viktig vitamin som trengs for at kvar ei celle i kroppen din skal fungera optimalt. Går du med lenge med D-vitaminmangel, er du meir utsett for å få alvorlege helseplager.

Her er ti teikn på at du kan mangla vitamin D:

  1. BLIR LETT SJUK: Du får ofte infeksjonssjukdommar som forkjøling, halsbetennelse, bihulebetennelse. Vitamin D er nemleg viktig for at me skal ha eit sterkt immunforsvar.
  2. OFTE SLAPP OG SLITEN: Kan ha mange grunnar, mangel på vitamin D er ein ofte oversett grunn.
  3. SVAKT SKJELETT: Kroppen trenger D-vitamin for opptak av mineralet kalk.
  4. RYGG- OG LEDDSMERTER: Det er to gonger meir sannsynleg at personar med lågt nivå av vitamin D slit med dette enn personar som har nok, i fylgje ein forskningsrapport.
  5. MUSKELSMERTER: Kan skuldast mykje, for lite D-vitamin kan vera ein årsak. 71 prosent av dei med kronisk vondt i rygget hadde for låge nivå av vitamin D, i fylgje ein forskningsrapport frå Sveits.
  6. SÅR GROR SEINT: Vitamin D trengs for at kroppen skal laga dei stoffa som trengs for å lage ny hud. Trengs også for å  dempa/unngå betennelsar.
  7. HUDPROBLEM: Eksem, psoriasis, men også urein hud (hudcellene produserer mer olje som kan føre til tette porer og kviser).
  8. HÅRTAP: Du tenkjer på gener/arv og stress og B-vitaminmangel ja, men vitamin D kan også spela inn.
  9. SLIT MED VEKTA: Her fins forskning som  viser at dei som har nok vitamin D, går lettare ned i vekt, mens dei som har for lite, slit meir med å mista vekt og legg på seg lettare. Dette vitaminet oppfører seg som eit hormon og påverkar andre hormon, mellom anna dei som er ansvarlege for appetitt og lagring av kroppsfeitt.
  10. NEDSTEMT: Kjem av mange ulike faktorar,  men mangel på vitamin D kan ikkje utelukkast, særlig for eldre.  65 prosent av forskningsrapportane på emnet har funne ein samanheng mellom depresjon og lågt nivå av vitamin.

Ikkje noko å kimsa av

Ikkje bare kan for lite vitamin D medverka til desse plagene, gjer du ikkje noko med mangelen, kan du også lettare få høgt blodtrykk, diabetes, depresjon, overvekt, beinskjørhet, kronisk utmattingssyndrom,  autoimmune sjukdomar, ja til og med Alzheimers og kreft, hevdar Dr. Christiane Northrup som er hovedkjelda til dette blogginnlegget. Ho viser mellom anna til denne artikkelen i International Journal of Health Sciences. 

Vitamin D har nemleg effekt på mange av kroppen sine funksjonar og påverkar meir enn 200 gener.  Det fungerer faktisk meir som eit hormon enn eit vitamin. Kvar einaste celle har ein mottakar for vitamin D, poengterer Northrup.

For å underbyggja at der nok D-vitamin er viktig for å unngå brystkreft, viser ho til fleire forskningsrapportar.

Leddgikt, lupus, MS og betent tarm er autoimmune sjukdomar (det fins fleire). Lege og professor Susan Blum er ekspert på slike. Også ho understrekar at nok  vitamin D er viktig:

“In fact, low vitamin D levels have now been found to be associated not only with MS but also with other autoimmune diseases sush as rheumatoid arthritis, lupus, insulin-dependent diabetes and inflammatory bowel disease. While no one has proven that vitamin D deficienct causes any of these autoimmune disesases, having low levels puts you at risk, and treating people who are deficient in vitamin D reduces symtoms and slows the progression of their condition”,  ho i boka “The Immune  System Recovery Plan”.

Både Blum og Northrup er førelesarar ved Institute for Integrative Nutrition i New York som eg har studert ved i snart eitt år nå (nettstudium) for å bli sertifisert helsecoach.

Fire små skiver med makrell i tomat, endå meir att i boksen på 110 gram. Ein boks dekkjer 58 prosent av dagsbehovet for vitamin D. 1 skei tran dekkjer 200 prosent av behovet. (Foto: Margunn Ueland)

Kven er utsette for å få D-vitaminmangel?

  • Du er mykje innandørs og lite ute.
  • Når du er ute i sola, brukar du alltid høg solfaktor og/eller har klede på mesteparten av kroppen.
  • Du et svært lite (eller ingen) fisk
  • Du drikk skumma mjølk eller null kumjølk utan å erstatta det med plantemjølk (f.eks av havre, mandel, soya) som er tilsett D-vitamin.
  • Du drikk for mykje alkohol for ofte.
  • NB! Er du gravid og ammar, treng du dobbelt så mykje vitamin D som oss andre.

Kva bør du gjera?

Kom deg ut i dagslys og sol, men ver klar over at her i Norge får du ikkje nok D-vitamin frå sol i vinterhalvåret om du er ute aldri så mykje. Då eg vaks opp, lærte me på skulen at me måtte ta ei skei tran kvar dag i alle månadar med bokstaven R, (altså frå september til og med april).

Den beste kjelda til D-vitamin i kosten, er feit fisk som makrell, sild, sardiner, sjøaure. Kor ofte et du det? Kvar dag? I så fall, neppe nok:

Sjølv om du et 4-5 brødskiver med makrell i tomat til dagen. I ei lita boks makrell i tomat er det 110 gram. 100 gram makrell i tomat dekkjer 58 prosent av dagsbehovet for vitamin D.

For svært mange av oss vil det derfor vera klokt å ta tilskot av D-vitamin dagleg. Tek du ei matskei tran dagleg, er du sikra. Greier du ikkje 1 stor skei, ta 1 teskjei morgon og kveld.

Visste du forresten at vitamin A trengs for opptak av vitamin D? A-vitamin er det også i tran (og i gule, oransje og grøne grønsaker).

VIL DU FYLGJA MEG?

Då blir eg veldig glad. Det kostar ikkje noko.

SLIK GJER DU DET:

  1. Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
  2. Trykk på FØLG MEG-knappen.
  3. Gå inn på e-posten din. Der får du nå ein e-post (truleg står det Confirm subscription eller noko slikt) som du må gå inn på for å bekrefta at du vil vera  fylgjar. Trykk på STADFEST.

Som fylgjar får du ein e-post kvar gong eg har publisert eit nytt blogginnlegg.

 

 

 



Legg att eit svar

Epostadressa di blir ikkje synleg. Påkravde felt er merka *


%d bloggers like this: