14. desember 2018

Kokos- og valnøttruter med sjokolade

Desse smakar meir som konfekt enn tørre julekaker og inneheld bare sunne ingrediensar. Attpåtil går det fort å laga dei. Ingen uttrilling, kjevling eller steiking. Mest for godt til å vera sant?

Her er oppskrifta:

DETTE TRENG DU:

Til nøttebotnen:

2,5 dl valnøtter (har du ikkje nok valnøtter, bland med mandlar eller hasselnøtter)
2,5 dl kokosmasse
2 dl dadlar utan stein (tilsvarar 1 lag dadlar i ei vanleg øskje med dadlar)
2 dråpar vaniljeessens
1 ts kanel
1 ts ingefær

Til sjokoladetrekket:

1 dl økologisk, kaldpressa kokosnøttolje (du får kjøpt i helsekostbutikk).
1 dl råkakaopulver (du får kjøpt i helsekostbutikk).
0,75 dl lønnesirup
1 ss kokosblomsukker (viss du har, men ikkje nødvendig)

Til pynt:

Valnøttkjerner

Eg hadde også nokre gojibær liggjande i ei skuff som eg brukte.

FRAMGANGSMÅTE:

Fjern steinane i dadlene. Ha dadler, kokosmasse og valnøtter i kjøkkenmaskin saman med vaniljeessens og krydder. Kjør til det blir ein grovkornete deig.
Trykk deigen ned i ei lita firkanta form som du har smurd med kokosolje. Glatta til med ein slikkepott, slik at det blir flatt og jamnt.
Set forma i kjøleskapet.
Smelt kokosolje på svak varme i ei lita gryte.
Ha i lønnesirup (og eventuelt kokosblomsukker) og råkakaopulver. Rør til alt blir godt blanda og sukkeret har løyst seg opp.
Ta forma ut av kjøleskapet og hell sjokoladesausen over.
Putt inn i kjøleskapet att og la stå til det er halvstivna. (Om lag den tida det tek å vaska opp kjøkkenmaskin, slikkepott osv).
Ta ut forma og pynt med det du vil. Eg brukte valnøttkjerner og gojibær.
Set forma tilbake i kjøleskapet. La stå til sjokoladetrekket har stivna.
Skjer så opp i ruter og servér!