Grønkålchips

Grønkålchips
Sprø grønkålchips, varme rett frå omnen, snadder! (Fotos: Margunn Ueland)

Du veit koss det er med potetchips, har du fyrst putta ein chips i munnen, må du ha fleire… Slik er det med grønkålchips også. Men bare knas i veg du! Jo meir du et, jo betre! For grønkål er proppa med gode næringsstoff.

Her er oppskrift på ein stor porsjon. Dei som ikkje blir oppetne i helga, kan du putta på eit Norgesglas eller ein boks så har du litt snacks i dagane framover. Det var planen min i alle fall. Men så fekk eg fyrst eit besøk, så eit anna, og dermed forsvann grønkålchipsen:)

Så mykje grønkål brukte eg.

OPPSKRIFT: 

  • 10 store blad vanleg krusete grønkål
  • 3 ss olivenolje
  • 1 skvis sitronjuice (frå 1/6 sitron)
  • 1 ts salt
  • litt peppar
  • evt. litt anna krydder du likar. Eg hadde paprikapulver på det eine brettet.

Framgangsmåte:

  1. Vask grønkålen og skjer bort stilkane.
  2. Riv grønkålen i bitar og spinn han i salatspinnar for å få bort mest mogeleg vatn. Har du ikkje salatspinnar, pakk han inn i eit kjøkkenhandkle og sving rundt i lufta.
  3. Legg bakepapir på to steikebrett.
  4. Ha halvparten av grønkålen i ei stor skål og gni inn med 1,5 ss olje.
  5. Fordel grønkålen på 1 av bretta.
  6. Gjer det same med den andre halvparten.
  7. Strø over salt, peppar og krydder.
To fulle steikebrett, klare til å puttast i steikeomnen.

Steiking:

(Oppgir klokkeslett for at det skal vera lettare å forstå)

  1. 13:00: Sett bretta inn i omnen på 150 grader. Etter  5 minutt opnar du døra på gløtt og slepp ut damp og lukkar så omnsdøra att.
  2. 13:10: Skru ned til 100 grader og bytt plass på bretta, slik at det som sto nederst kjem øverst og omvendt.
  3. 13:20:  Slepp ut damp og «rør» litt i grønkålmassen.
  4. 13:30: Slepp ut damp igjen. Skru ned til 80 grader.
  5. 13:50: Nå er grønkålchipsa klare viss du skal eta dei straks. Men sidan eg hadde tenkt å ha nokre på boks framover, steikte eg dei litt til.
  6. 14:00: Ferdige! Chipsa skal vera sprø, men ikkje brune. Litt brune i kantane blir dei.

Dette er den fjerde artikkelen i serien KVA KAN ME LAGA AV DETTE?

Fremst: Kasse med grønkål. Rødbeter i skål. Bladbete i bøtte på terrasen, bladbeteblad og bladbetestilkar i svart kasse på benken. Selleristilkar i den bakerste bøtta. (Foto: Margunn Ueland)

Den handlar om kva me kan laga av grønsakene på dette biletet. Det er grønkålen i trekassen som blei til chips.

Her er dei 3 nyaste oppskriftene i serien:

Helgefrittata (Foto: Margunn Ueland)

HELGEFRITTATA

Genialjuice.

GENIALJUICE

EKSTREMJUICE



Legg att eit svar

Epostadressa di blir ikkje synleg. Påkravde felt er merka *


%d bloggers like this: