Råsunn bringebærkake

Råsunn bringebærkake

Denne kaka er så sunn at du bør få dårleg samvet om du ikkje et mykje!

Null sukker, null kveitemjøl. Faktisk også null smør og null egg.

Men full av nøtter med sunne feittsyrer og protein, bær proppa av vitaminar og antioksidantar og søte dadlar med masse fiber.

Rask og lett å laga.

OPPSKRIFT: 

Fyrst lagar du botnen, så eit lag sjokolade og til slutt toppar du med bær.

Kakebotn: 

  • 1,5 dl mandlar
  • 1,5 dl hasselnøtter
  • 400 gram mjuke dadlar (omlag 1,5 lag i ei øskje med Silkevejen Dadler – ligg to lag i ei øskje)
  • 3 matskeier kokosmasse
  • 1 ts kaldpressa kokosolje

Framgangsmåte:

  1. Smør ei springform/paiform med kokosfett og strø over kokosmasse.
  2. Kjør mandlar og nøtter i kjøkkenmaskin til dei blir mest finmalte. Ha så oppi dadlar og kjør til det blir ein klebrig og jamn masse, – skal ikkje smuldra.
  3. Trykk så “deigen” ned i forma i eit jamnt lag.

Sjokoladelag:

  • 2-3 matskeier kokosolje
  • 2-3 matskeier agavesirup
  • 2-3 matskeier kakaopulver
  • (2 viss du har ei lita form, 3 viss du har ei større form).
  1. Smelt oljen i gryte på svak varme.
  2. Rør i sirup og kakao til det blir ein jamn, tynn saus.
  3. Hell utover kakebotnen.

Bærtopping

  • 5 dl bringebær
  • 1 beger blåbær

Bare å leggja på! Kan vera lurt å kjøpa inn litt ekstra bær, for du greier sikkert ikkje la vera å smaka…. Det gjer i alle fall ikkje eg!

Sett i kjøleskap: FERDIG!

Gjort på mindre enn 30 minutt.

Har du ikkje bringebær eller blåbær, kan du sjølvsagt bruka andre bær; jordbær for eksempel.

Rå og vegansk

Og har du veganarar i familien (et absolutt ingenting frå dyreriket, bare frå planteriket) kan dei også eta kaka.

Dette er ei råvegansk kake.

Eg elskar bringebær. Endeleg har eg fått tak i bringebærplanter som eg har planta på Leikeplasshagen. Les om det her:

Bringebær! Hurra, nå har eg planta bringebær!

EG BLIR GLAD OM DU VIL FYLGJA BLOGGEN MIN. SLIK GJER DU DET:

  1. Skriv inn e-postadressa di i feltet over den svarte knappen kor det står FØLG MEG. Den ligg til til høgre på sida om du er inne på pc-en. Er du inne på mobilen, finn du FØLG MEG-knappen heilt nederst, altså i botnen av innlegget men før INSTAGRAM-bileta.
  2. Trykk på FØLG MEG-knappen.
  3. Gå inn på e-posten din. Der får du nå ein e-post (truleg står det Confirm subscription eller noko slikt) som du må gå inn på for å bekrefta at du vil vera  fylgjar. Trykk på STADFEST.

Som fylgjar får du ein e-post kvar gong eg har publisert eit nytt blogginnlegg.

 

 



Legg att eit svar

Epostadressa di blir ikkje synleg. Påkravde felt er merka *


%d bloggers like this: